ჩემს შესახებ

მოგესალმებით. პირველ რიგში მადლობა რომ ეწვიეთ ჩვენს ვებ გვერდს. მოდით თავიდან გავიცნოთ ერთმანეთი. მე როგორც სტუდიის და ვებ გვერდის დამფუძნებელი მოკლედ მოგიყვებით ჩემს შესახებ. ბევრი თქვენგანი ალბათ უკვე მიცნობს. მე ვარ თენგო ჯიქურაშვილი - ფოტოგრაფი. ამ სფერომ მიმიზიდა ჯერ კიდევ მაშინ როცა დაახლოებით 17-18 წლის ვიყავი. ამ პერიოდში ციფრული ფოტოგრაფია არც ისე განვითარებული იყო. გავიდა წლები და მე და ჩემი კოლეგები ერთად ვუწყობდით ფეხს ციფრულ ფოტოგრაფიას განვითარების გზაზე. ყველაფერი ეს ძალიან შემიყვარდა რასაც ალბათ ხედავთ ჩემს ნამუშევრებში. ეს ის სფეროა სადაც ადამიანი მუდმივად ვითარდება. სწავლის პროცესი უწყვეტია და დღემდე ბევრს ვსწავლობ... ვიღებ ყველაფერს: პეიზაჟები, შენობები, კერძები ქალაქები და ა.შ.. თუმცა ყველაზე მეტ სიამოვნებას ადამიანებთან ურთიერთობა მანიჭებს. ძალიან მიყვარს წყვილის გადაღება, საოჯახო ფოტოსესია, ქორწილი. ძალიან დიდ, დადებით მუხტს ვიღებ როცა გადაღებაზე ვეხმარები დამკვეთს მეტი ემოცია, გრძნობები და ენერგია გამოხატოს, რაც ფოტოებზე აისახება. ხშირად ჩემზეა დამოკიდებული შესაფერისი სიტყვები მოვძებნო, ზოგჯერ ვიხუმრო, ან შევამზადო და გავამხნევო დამკვეთი რათა სასურველი შედეგი მივიღოთ. ეს რთული ამოცანაა, თუმცა სირთულეები მიყვარს. შედეგი? შედეგით კმაყოფილი ვარ თუმცა ბოლომდე არასდროს. ეს მეხმარება კიდევ უფრო გავუმჯობესდე. ქორწილის გადაღებისას ვგრძნობ უდიდეს პასუხისმგებლობას, რადგან ვხედავ როგორ მენდობა წყვილი. შეიძლება ითქვას რომ ქორწილის დიდ ნაწილს ფოტოგრაფი მიუძღვის წინ. შედეგმა აუცილებლად მოლოდინს უნდა გადააჭარბოს. და მე ყველაფერს ვაკეთებ ამისთვის. რატომ უნდა ამირჩიოთ? არ ვიცი.. ალბათ იმიტომ რომ შეყვარებული ვარ ამ სფეროზე. ეს კი მაძლევს სტიმულს, დამკვეთს ხარისხიანი და გემოვნებიანი შედეგი ვაჩვენო. მყავს ჩემი გუნდი რომელიც ასევე მეხმარება სრულყოფილად ავსახოთ დაუვიწყარი კადრები. ასე რომ დამიკავშირდით, ჩვენ ერთად საოცრებებს ვქმნით.